19 studzienia nabyŭ moc prysud, vyniesieny 28-hadovamu žycharu Kobryna za zamach na zabojstva.
Jak paviedamiŭ prakuror adździeła prakuratury Bresckaj vobłaści Vital Hisko, ranicaj 15 žniŭnia 2015 hoda ŭ Kobrynie małady čałaviek, znachodziačysia ŭ stanie ałkaholnaha apjanieńnia, pryjšoŭ dadomu da svajho byłoha cieścia i ŭdaryŭ taho nažom u vobłaść serca.
U vyniku paciarpiełamu było pryčyniena ranieńnie hrudnoj kletki źleva z paškodžańniem rebraŭ, sardečnaj sumki pravaha žałudačka serca, ad jakoha toj ledź nie pamior.
Raniej małady čałaviek nieadnarazova pahražaŭ byłomu cieściu, bo ličyŭ taho vinavatym u tym, što ŭ jaho nie skłałasia siamiejnaje žyćcio. U červieni dačka paciarpiełaha raźviałasia z hetym 28-hadovym mužčynam.
Pavodle słoŭ jaho byłoj žonki, pryčynaj skasavańnia šlubu stała toje, što ŭ stanie ałkaholnaha apjanieńnia muž nieadnarazova źbivaŭ jaje.
19 listapada 2015 hoda sud Kobrynskaha rajona pryznaŭ mužčynu vinavatym u zamachu na naŭmysnaje supraćpraŭnaje pazbaŭleńnie žyćcia inšaha čałavieka (č. 1 art. 14, č. 1 art. 139 KK) i pryhavaryŭ da vaśmi hadoŭ pazbaŭleńnia voli ŭ kałonii ŭzmocnienaha režymu. Pa rašeńni suda jon pavinien vypłacić na karyść paciarpiełaha 70 młn. rubloŭ u jakaści hrašovaj kampiensacyi maralnaj škody.
19 studzienia sudovaja kalehija pa kryminalnych spravach Bresckaha abłasnoha suda adchiliła skarhu hetaha hramadzianina, jaki nie pryznavaŭ svajoj viny, i pakinuła prysud rajonnaha suda bieź źmieny.
Mužčyna — kiroŭca adnaho z pradpryjemstvaŭ Kobryna, raniej nie sudzimy.
