Pra viartańnie ŭ Biełaruś partyj małaka, masła i syru paviedamiła 18 studzieni kiravańnie Raśsielhasnahladu pa Branskaj i Smalenskaj abłaściach. Va ŭsich vypadkach zabarona na ŭvoz była aformlenaja napiaredadni.
Pavodle infarmacyi viedamstva, u čyhunačny punkt propusku «Bransk-Lhoŭski» pastupiła partyja pitnoha sterylizavanaha małaka vytvorčaści AAT «Hłybocki małočna-kansiervavy kambinat». Hruz masaj kala 4 ton išoŭ tranzitam u Kazachstan i supravadžaŭsia vieterynarnym siertyfikatam Mytnaha sajuza, vydadzienym dziaržaŭnaj vieterynarnaj słužbaj Biełarusi. Pry praviadzieńni vieterynarnaha kantrolu vyjaŭlena, što dakumient zapoŭnieny z hrubymi parušeńniami.
U punkcie pryniaćcia paviedamleńniaŭ «Čyrvonaja Horka» zabaronieny ŭvoz 20 ton śmietankovaha masła vytvorčaści AAT «Lepielski małočna-kansiervavy kambinat». Hruz masaj 20 ton supravadžaŭsia vieterynarnym siertyfikatam MS, vydadzienych biełaruskaj Dziaržvietsłužby. Pry praviadzieńni vieterynarnaha kantrolu vyjaŭlena, što charčovaja pradukcyja pieravoziłasia ŭ antysanitarnych umovach.
U PPU «Čyrvony Kamień» pryniata rašeńnie ab zabaronie ŭvozu 5,5 ton syru «Rasijski novy», vypracavanaha AAT «Rahačoŭski małočna-kansiervavy kambinat». Hruz nakiroŭvaŭsia ŭ Rasiju i supravadžaŭsia vieterynarnym siertyfikatam MS. Pryčynaj viartańnia pasłužyŭ fakt uvozu charčovaj pradukcyi «biez harantyj vytvorcy jaje biaśpieki». Takoj harantyjaj źjaŭlajecca dekłaracyja ab adpaviednaści. 22 śniežnia 2015 hoda pa pradstaŭleńni kiravańnia Raśsielhasnahladu dekłaracyja ab adpaviednaści ad 11 lutaha 2015 na syr «Rasijski novy» masavaj dolaj tłušču ŭ suchim rečyvie 40%, 43%, 45%, 48% i 50% Fiederalnaj słužbaj pa akredytacyi była admienienaja. Źviestki ab admienie dziejańnia dekłaracyi ab adpaviednaści byli ŭniesienyja ŭ adziny rejestr Rasakredytacyi, pra što było paviedamlena ŭ biełaruskaje pradpryjemstva.
Akramia taho, u PPU «Čyrvony Kamień» na aŭtadarozie M13 Bransk — Homiel zabaronieny ŭvoz partyi śmietankovaha masła vytvorčaści HP «Małočny haściniec». Hruz masaj 20 ton nakiroŭvaŭsia ŭ Smalenskuju vobłaść i supravadžaŭsia vieterynarnym siertyfikatam MS. Pry praviadzieńni vieterynarnaha kantrolu vyjaŭlena, što faktyčnaja data vypracoŭki pradukcyi nie adpaviadaje nazvanym u vieterynarnych supravadžalnych dakumientach.
