Telefonny machlar sa studzienia pa travień 2015 hoda skradaŭ hrošy ŭ piermskich piensijanieraŭ. Jaho achviarami stali 46 čałaviek, a zdabyŭ jon pry hetym bolš za 3 miljony rasijskich rubloŭ.
Jak paviedamlaje sitv.ru, złačyncam akazaŭsia biełarus, jaki ŭ hety čas adbyvaŭ pakarańnie za asabliva ciažkija złačynstvy ŭ surhuckaj kałonii №11. Jon telefanavaŭ piensijanieram i, skažajučy svoj hołas, nazyvaŭsia śledčym. Mužčyna paviedamlaŭ im zaviedama iłžyvuju infarmacyju, byccam ich blizkija ŭčynili złačynstvy. Za spynieńnie kryminalnaha pieraśledu jon patrabavaŭ ad 5 da 400 tysiač rasijskich rubloŭ. Paciarpiełyja pieravodzili zapatrabavanuju sumu na QIWI-kašalok.
Darečy, telefanavaŭ źniavoleny z mabilnika, što zabaroniena ŭ režymnaj ustanovie.
Sud pryznačyŭ złamyśniku 11 hadoŭ kałonii asablivaha režymu za zamach na machlarstva i machlarstva, učynienaje z pryčynieńniem značnaha i bujnoha ŭronu. Jon prysudžany da štrafu ŭ 100 tysiač rasijskich rubloŭ. Akramia taho, jon pavinien vypłacić usie hrošy, atrymanyja ad paciarpiełych.
