Hałoŭnym upraŭleńniem pa baraćbie z arhanizavanaj złačynnaściu i karupcyjaj Ministerstva ŭnutranych spraŭ Biełarusi inicyjavany pravierki pa 16 materyjałach u dačynieńni da biełaruskich hramadzian, jakija padazrajucca va ŭdziele ŭ bajavych dziejańniach na terytoryi Ukrainy.
Ab hetym BiełaPAN paviedamiŭ načalnik upraŭleńnia infarmacyi i hramadskich suviaziej MUS Kanstancin Šalkievič.
Pavodle jaho słoŭ, ciapier MUS sumiesna z Hienieralnaj prakuraturaj, Śledčym kamitetam i Dziaržaŭnym kamitetam sudovych ekśpiertyz viadziecca rabota pa dačy jurydyčnaj acenki dziejańniam fihurantaŭ.
Pavodle źviestak BiełaPAN, nivodnaj kryminalnaj spravy ŭ dačynieńni da hetaj katehoryi hramadzian pakul nie raspačata.
Nahadajem, Alaksandr Łukašenka 14 studzienia na naradzie z nahody zaćviardžeńnia rašeńnia na achovu dziaržaŭnaj miažy orhanami pahraničnaj słužby zapatrabavaŭ ad siłavikoŭ «imhnienna razabracca» z tymi biełarusami, jakija ŭdzielničajuć u kanflikcie va Ukrainie z abodvuch bakoŭ.