15 studzienia ŭ «Halerei Ŭ» adbyłasia sustreča Alaksandram Aniskievičam — adnym ź pieršych pradprymalnikaŭ na postsavieckaj prastory, byłym top-mieniedžaram «Jo-Mabila», jaki ciapier zajmajecca naftaj.
Što datyčyć kulturnaj aktyŭnaści, to Aniskievič — zaciaty litvinist, jaki adstojvaje ideju ŭnii narodaŭ kolišniaj Rečy Paspalitaj.
Ale, na dumku futurołaha, takaja ŭnija budučyni nie aznačaje abjadnańnia dziaržavaŭ — heta, maŭlaŭ, budzie štości nakštałt Hanziejskaha sajuzu.
«Naša Niva» praviała videaatranślacyju sustrečy. Uklučajcie jaje zapis.
* * *
Alaksandr Aniskievič
U 1991 hodzie zasnavaŭ šmatprofilny chołdynh «Biełenierhapram», u 1995 uznačaliŭ Bankaŭski sajuz Biełarusi, uvachodziŭ u rady dyrektaraŭ najbujniejšych biełaruskich bankaŭ.
U 1997 hodzie stvaryŭ biełaruski ofis mižnarodnaj enierhietyčnaj kampanii «Itera».
Kiravaŭ Centram pa restrukturyzacyi, bankructvu i raźvićciu kankurencyi ŭ Instytucie pryvatyzacyi i mieniedžmientu pry Ministerstvie pryvatyzacyi Biełarusi.
Uznačalvaŭ pradstaŭnictva češskaj kansałtynhavaj kampanii «BEP Engineering and Consulting».
Źjaŭlaŭsia siabram rady dyrektaraŭ, staršyniom kamiteta pa stratehii ZAT «Jaravit-motars», byŭ pieršym namieśnikam hienieralnaha dyrektara «Jo-Aŭta» («Jo-Mabil»), uvachodziŭ u rady dyrektaraŭ i źjaŭlaŭsia daradcam kiraŭnikoŭ šerahu bujnych enierhietyčnych i hazavych kampanij.
U 2009 hodzie stvaryŭ i ŭznačaliŭ Instytut prablem madernizacyi, stratehii i raźvićcia hramadstva.
Ciapier źjaŭlajecca siabram rady dyrektaraŭ naftatrejdara BRYCE HOLDING LIMITED (Cyprus).
Kiruje napramkam mabilnych prykładańniaŭ i inavacyj u śfiery IT.
