Niahledziačy na kryzis u jeŭrapiejskaj ekanomicy i prablemy Kitaja, jakija akazali ŭpłyŭ na hłabalnyja rynki, niamieckaja ekanomika, pavodle papiarednich dadzienych, pakazała rekordny rost u 2015 hodzie.
Jak abviaściła ŭ čaćvier fiederalnaje biuro statystyki krainy, rost ekanomiki Hiermanii za 2015 hod składzie 1,7%. Heta rekordny pakazčyk za čatyry hady. Pa słovach ekśpiertaŭ, pakazčyk zabiaśpiečyŭ rost popytu na spažyvieckija tavary ŭnutry krainy.
Pavieličeńnie siaredniaj zarpłaty i rost pakupnickaj zdolnaści nasielnictva kampiensavali pamianšeńnie dachodaŭ ad handlu, jakaja raniej była tradycyjnaj krynicaj rostu niamieckaj ekanomiki.
«Niamieckaja ekanomika stabilna raście dziakujučy vysokamu spažyvieckamu popytu ŭnutry krainy», — skazaŭ u hutarcy z ahienctvam Rejter adzin z analitykaŭ «Bierienbierh Banka».
Pa słovach čynoŭnikaŭ ź biuro statystyki, rost VUP krainy ŭ čaćviortym kvartale, hruntujučysia na hadavych pakazčykach, składzie 0,25%. Apytanyja Rejter ekanamisty čakajuć bolš ścipłaha rostu ŭ 1,6%.
Rost niamieckaj ekanomiki adbyvajecca na fonie nie samaj spryjalnaj situacyi ŭ ekanomicy Jeŭrazony. Letaś kiraŭnik Mižnarodnaha valutnaha fondu Kryścin Łahard papiaredziła ab mahčymaści novaj recesii ŭ Jeŭropie.