Upraŭleńnie Śledčaha kamiteta pa Minsku šukaje vidavočcaŭ darožna-transpartnaha zdareńnia, u vyniku jakoha žančyna-piešachod atrymała traŭmy, niesumiaščalnyja z žyćciom. Pra heta paviedamiŭ aficyjny pradstaŭnik USK pa Minsku Alaksandr Hierasimaŭ.
DTZ adbyłosia ŭviečary 12 śniežnia 2015 hoda. Na płoščy Svabody kiroŭca Dacia Logan źbiŭ žančynu, jakaja pierachodziła prajeznuju častku ŭ rajonie nierehulavanaha piešachodnaha pierachoda. Ad atrymanych cialesnych paškodžańniaŭ paciarpiełaja pamierła ŭ miedycynskaj ustanovie.
«Śledstva źviartajecca da vidavočcaŭ nazvanaha darožna-transpartnaha zdareńnia. Kali vy vałodajecie karysnaj dla rasśledavańnia infarmacyjaj, u tym liku videazapisami elektronnych pryład, kali łaska, paviedamicie pra siabie va USK pa Minsku asabista (pa adrasie praśpiekt Dziaržynskaha, 3 kab. 603) albo pa telefonach 8-017-222-25-10, 8-017-239-48-67, 8-017-395-75-67, 8-044-500-31-11. Kanfidencyjalnaść harantujecca», — źviarnuŭ uvahu Alaksandr Hierasimaŭ.
