Staličnyja narkakantralory sumiesna z supracoŭnikami śpiecpadraździaleńnia «Ałmaz» zatrymali 24-hadovaha minčuka, dyrektara adnoj z maskoŭskich kampanij. Jon arhanizavaŭ kanał pastaŭki narkatyčnych srodkaŭ i psichatropnych rečyvaŭ z Rasii na terytoryju Biełarusi dla raspaŭsiudžvańnia, paviedamlaje HUUS Minharvykankama.
Pad zamovu chłopiec pryvoziŭ narkotyki i psichatropy biełaruskim pryjacielam.
Małady čałaviek pryjechaŭ z Maskvy ŭ Minsk na vychodnyja da svaich znajomych. Dla «paŭnavartasnaha adpačynku» źniaŭ tut kvateru, dzie paśla i byŭ zatrymany. Padčas ahladu zdymnaha žylla apieratyŭniki znajšli i kanfiskavali kala 15 h paraškapadobnaha rečyva, jakoje maje ŭ svaim składzie amfietamin, a taksama tabletki ekstazi i hašyš.
U dačynieńni da zatrymanaha raspačataja kryminalnaja sprava pa častcy 3 artykuła 328 («Niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ») KK RB. Raniej jon sudzimy za anałahičnaje złačynstva, a taksama za kradziež i rabavańnie.
