2016-y možna nazvać hodam vychadu šmatlikich filmaŭ pa komiksach i źniatych praciahaŭ pa ŭžo znakamitych filmach. Kino budzie jak dla darosłaj aŭdytoryi, tak i dla dziaciej. Filmaŭ budzie nastolki šmat, što zvyčajnym top 10 tut nie abyścisia. Navat amataraŭ Hary Potera budzie čakać u hetym hodzie siurpryz. U śpis nie patrapili takija filmy jak «Miarzotnaja vaśmiorka», «Vyžyły», bo jany ŭžo vyjšli na vialikija ekrany.
1. «Piataja chvala» (The 5th Wave) 16+
Postapakaliptyčny film režysiora Džeja Błejksana pavodle adnajmiennaha ramana Ryka Jansi. 16-hadovaja Kesi Salivan sprabuje vyžyć u śviecie, razburanym chvalami inšapłanietnaha ŭvarvańnia, jakoje źniščyła amal ŭsio nasielnictva i adpraviła čałaviectva nazad u kamienny viek.
2. «Dedpuł» (Deadpool) 18+
Amierykanski kamiedyjny fantastyčny bajavik režysiora Cima Milera, zasnavany na komiksach pra piersanaža Marvel Comics Dedpuła. Historyja Uejda Uiłsana — byłoha śpiecnazaŭca, jaki staŭ najomnikam paśla praviadzieńnia nad im niestandartnaha ekśpierymientu, što nadzialiŭ jaho paskoranaj zdolnaściu da lačeńnia. Jon abiraje sabie imia Dedpuł. Majučy asablivyja zdolnaści i pačućcio čornaha humaru, jon paluje na čałavieka, što razburyŭ jaho žyćcio.
3. «Pa toj bok dźviarej» (The Other Side of the Door) 16+
Adzin z samych čakanych filmaŭ u žanry žachaŭ. Smutkujučaja maci paśla straty syna znachodzić rytuał, jaki dazvalaje joj raźvitacca ź miortvym dziciem i adkryvaje zasłonu pamiž śvietam miortvych i žyvych. Siły zła abrynajucca na jaje dačku.
4. «Niachaj žyvie Cezar!» (Hail, Caesar!) 18+
Film raspaviadaje pra burnaje žyćcio Halivudu 1950-ch. Film admietny padborkaj zornych akcioraŭ (Džordž Kłuni, Rejv Fajns, Čeninh Tejtum, Skarlet Jochansen). Usio było jak zvyčajna, pakul adnojčy nie źnik vykanaŭca hałoŭnaj roli ŭ filmie «Niachaj žyvie Cezar!». Ni žonka, ni šmatlikija paluboŭnicy nie viedajuć, dzie jon. I zaraz pradziusara studyi čakaje viasioły dzianiok, bo jon pavinien znajści zorku raniej za reparcioraŭ.
5. «Padzieńnie Łondana» (London Has Fallen) 12+
Dziejańnie filma pačynajecca ŭ Łondanie, dzie premjer-ministr Brytanii hinie pry zahadkavych abstavinach. Toje, što pačynałasia jak najbolš biaśpiečnaja padzieja na ziamli, pieratvarajecca ŭ niebiaśpiečny zamach na samych mahutnych suśvietnych lidaraŭ, što stavić pad pahrozu budučyniu usiaho śvietu.
6. «Betmen suprać Supiermena: Na dośvitku spraviadlivaści» (Batman v Superman: Dawn of Justice) 12+
Pieršaja sproba Bena Afleka ŭ roli Betmena. Źmiena akcioraŭ vyklikała škvałt niehatyvu, bo ŭsie zvykli bačyć na miescy Betmena Krystyjana Bejła. Vartaŭnik Hotem-Sici kidaje vyklik samomu vyratavalniku Mietrapolisa, u toj čas jak uvieś astatni śviet vyrašaje, jaki hieroj jamu pa-sapraŭdnamu patrebny.
7. «Pieršy mściviec: Supraćstajańnie» (Captain America: Civil War) 12+
Čarhovy praciah sieryj kino Marvel pra Mściŭcaŭ. Zasnavany na komiksie Civil War, siužet filma zasiarodzicca na supraćstajańni Kapitana Amieryki i Žaleznaha čałavieka, padstavaj dla jakoha pasłužyć ŭviadzieńnie uradam Aktu ab rehistracyi supierhierojaŭ, jaki padtrymaje Stark, ale nie prymie Rodžers.
8. «Angry Birds u kino» (The Angry Birds Movie) 6+
Film raskaža pra toje, jak pačałosia znakamitaje supraćstajańnie ptušačak i śvinak, piersanažaŭ papularnaj kampjutarnaj hulni.
9. «Ludzi Iks: Apakalipsis» (X-Men: Apocalypse) 12+
Jak i astatnija komiksavyja filmy ŭ hetym hodzie Ludzi Iks majuć apakaliptyčny charaktar. Pieršy i samy mahutny mutant u suśviecie «Ludziej-Iks» uvabraŭ u siabie siły inšych mutantaŭ, staŭ nieśmiarotnym i niepieramožnym. Abudziŭšysia paśla čarhovaha tysiačahadovaha snu, jon apynuŭsia rasčaravany śvietam, tamu znachodzić i zaklikaje na słužbu kamandu mahutnych mutantaŭ, uklučajučy Mahnieta, kab ačyścić čałaviectva ad brydoty i pabudavać novy śvietaparadak pad siabie.
10. «Uorkraft» (Warcraft) 12+
Univeral Pictures razam z Blizzard uznavili film na padstavie adnoj z samych znakamitych hulniaŭ u śviecie. Dziejańnie filma budzie razhortvacca na roznych łakacyjach, pradstaŭlenych u hulniavym suśviecie. Film raskaža pra pieršuju sustreču ludziej z orkami, a dakładniej — pra padziei pieršaj vajny, u jakoj Arda ŭvarvałasia va Uschodnija karaleŭstvy i razaryła Karaleŭstva Štorm-horad.
11. «Lednikovy pieryjad: Sutyknieńnie niepaźbiežna» (Ice Age: Collision Course) 0+
U hetym multfilmie adnyja z samych paznavalnych hierojaŭ sučasnych dziaciej.
12. «Kniha džunhlaŭ» (The Jungle Book) 6+
Čaćviortaja ekranizacyja adnajmiennaha tvora Kiplinha Walt Disney Pictures. Usio jak zvyčajna: Chłopčyk-sirata Maŭhli raście ŭ džunhlach z vaŭkami, miadźviedziami i čornaj panteraj.
13. «Iluzija padmanu: Druhi akt» (Now You See Me: The Second Act) 16+
Amierykanski detektyŭny tryler, sikvieł filma 2013. Praz try hady paśla padziej pieršaj častki syn Artura Uołtar imkniecca adpomścić «čatyrom końnikam», bo mienavita pa ich vinie Treśler-starejšy zhubiŭ 140 miljonaŭ dalaraŭ. U novym filmie da iluzijanistaŭ dałučycca novy hieroj, jakoha syhraje Denieł Redklif.
14. «Atrad samahubcaŭ» (Suicide Squad) 16+
Fantastyčny bajavik režysiora Devida Ejra, zasnavany na adnajmiennym komiksie vydaviectva DC Comics i treci pa liku film suśvietu DC paśla «Betmen suprać Supiermena». Amatary hurtu «30 seconds to mars» asabliva čakajuć filma, bo rol Džokiera zhulaje Džared Leta — salist hrupy.
15. «Fantastyčnyja pačvary i miescy ich pražyvańnia» (Fantastic Beasts and Where to Find Them) 12+
Film režysiora Devida Jejtsa pavodle knihi Džaan Roŭlinh «Fantastyčnyja pačvary i miescy ich pražyvańnia». Śpin-of sieryi pra Hary Potera raskaža pra padziei za 70 hadoŭ da pačatku asnoŭnaj sahi. U filmie raspaviadajecca pra mahičnaha zaołaha Njuta Sałamandera, jaki zajmajecca kłasifikacyjaj fantastyčnych źviaroŭ.
16. «Startrek: Biaskoncaść» (Star Trek Beyond) 12+
I amataraŭ Startreka čakaje padarunak. Heta ŭžo 13-y poŭnamietražny navukova-fantastyčny film. Padziei raźvivajucca praz dva hady paśla pačatku piacihadovaj misii. Ekipaž zornaha karabla «Enterprajz», na čale z kapitanam Džejmsam T. Kirkam, byŭ atakavany chvalaj pryšelcaŭ, jakija źniščajuć karabiel, pakidajučy ich biez usiaho na novaj płaniecie.
