Internet-sajt rezidencyi biełaruskaha Dzieda Maroza dzedmaroz.by uzłamany ŭžo niekalki miesiacaŭ.
Uzłomščyk pad psieŭdanimam Nasim Paščyka (Nassim Patchika) całkam źmianiŭ źniešni vyhlad hałoŭnaj staronki sajta. Adbyłosia heta jašče ŭletku 2015 hoda.
Chakier pakinuŭ na sajcie paviedamleńnia «Musulmanie — nie terarysty» i «Svabodu Palestynie». Taksama ciapier sajt pierapoŭnieny rekłamnymi błokami i prajhraje pieśniu na arabskaj movie, ŭsłaŭlajučy Palestynu.
Tak sajt navahodniaha čaraŭnika vyhladaje ciapier…
…a tak sajt vyhladaŭ letam
Raniej sajt publikavaŭ infarmacyju ab pracy rezidencyi biełaruskaha Dzieda Maroza. Inšaha pradstaŭnictva ŭ dziaduli ŭ sietcy niama.
Pavodle dadzienych servisu whois, administrataram damiena značycca RUP «Biełtelekam». Apošniaje abnaŭleńnie na sajcie adbyłosia 30 lipieni 2015 (chutčej za ŭsio, hety dzień i byŭ dataj ŭzłomu).
Sam chakier nie pakinuŭ kantaktaŭ, pa jakich ź im možna źviazacca, spasyłka na jaho profil u Facebook nieaktyŭnaja. Miarkujučy pa paviedamleńniach, jakija jon pakidaŭ na inšych uzłamanych sajtach, Paščyka naradziŭsia ŭ Ałžyry i ŭzłomvaje sajty, kab nahadać administrataram ab biaśpiecy.
