Foto TASS
Jość vierahodnaść rostu koštaŭ na charčovyja tavary ŭ Rasii, kali nie ŭdasca chutka zamiaścić ich impart z Turcyi, zajaviŭ namieśnik ministra ekanamičnaha raźvićcia RF Aleh Famičoŭ žurnalistam u Dubai (AAE) na Rasijskim ekanamičnym i finansavym forumie, cytuje TASS.
Turcyja źjaŭlajecca piatym pa abjomie handlova-ekanamičnym partnioram Rasii, i źmianieńnie dvuchbakovych adnosinaŭ niepaźbiežna paŭpłyvaje na makraekanamičnyja pakazčyki RF, ličyć jon.
«Pakul acanić kolkasna dosyć składana, tamu što nie da kanca jasny i pieralik tavaraŭ, na jakija buduć raspaŭsiudžvacca adpaviednyja sankcyi, i nabor siektaraŭ, jakija buduć zakranutyja, i ceły šerah inšych faktaraŭ», — skazaŭ Famičoŭ.
Akramia taho, jon adznačyŭ, što, kali tureckija inviestycyi ŭ RF buduć faktyčna prypynienyja, «heta adabjecca na inviestycyjnaj dynamicy i praź inviestycyi na VUP».
Jak paviedamlaje «Doždž», ministr sielskaj haspadarki Alaksandr Tkačoŭ u efiry telekanała «Rasija-1» skazaŭ, što alternatyŭnymi pastaŭščykami mohuć stać Azierbajdžan, Uźbiekistan, Maroka, Izrail. Raniej Tkačoŭ kazaŭ, što niekatoryja pastaŭki možna budzie taksama arhanizavać z Abchazii, Kitaja, PAR i Arhientyny.