U subotu, 28 listapada, u Słucku adznačyli 95-ja ŭhodki Słuckaha paŭstańnia.
Mierapryjemstva startavała ź vioski Hrozava, dzie 95 hadoŭ tamu farmavaŭsia hrozaŭski połk paŭstancaŭ. U Hrozavie aktyvistaŭ sustreła milicyja, nie dazvoliŭšy ŭdzielnikam akcyi pamiaci razharnuć bieł-čyrvona-biełyja ściahi. Dalej udzielniki śviatkavańniaŭ skiravalisia ŭ vioski Siemiežava i Čyrvonaja Słabada (Vyzna).
Ź Minska ŭ Słuck pryjechali niekalki dziasiatkaŭ hramadskich aktyvistaŭ, u tym liku staršyni partyi BNF Alaksiej Janukievič, namieśnik staršyni Ryhor Kastusioŭ, maładafrontaŭcy Źmicier Daškievič, Mikoła Dziemidzienka.
Hałoŭnaja impreza prajšła ŭ Słucku, dzie da minčukoŭ dałučylisia miascovyja aktyvisty. Kałona prajšła ad Słuckaha krajaznaŭčaha muzieja da haradskoha parku kultury i adpačynku na vulicy Vilenskaj, dzie prajšoŭ uračysty mitynh.
