Ministerstva infarmacyi Biełarusi pryniało rašeńnie ab abmiežavańni dostupu da infarmacyjnaha resursu, jaki parušaje praviły realizacyi ałkaholnaj pradukcyi, paviedamili ŭ viedamstvie.
«Na padstavie piśmovaha paviedamleńnia Minskaha haradskoha vykanaŭčaha kamiteta, kirujučysia Zakonam Respubliki Biełaruś «Ab srodkach masavaj infarmacyi», Ministerstvam infarmacyi 26 kastryčnika pryniata rašeńnie ab abmiežavańni dostupu da infarmacyjnaha resursu 379.by, na jakim sistematyčna raźmiaščałasia rekłama dziejnaści, źviazanaj z dastaŭkaj ałkaholnaj pradukcyi», — havorycca ŭ paviedamleńni.
U adpaviednaści z art. 11 zakona «Ab dziaržaŭnym rehulavańni vytvorčaści i abarotu ałkaholnaj, niecharčovaj śpirtaźmiaščalnaj pradukcyi i niecharčovaha etyłavaha śpirtu» ŭ Biełarusi zabaraniajucca roźničny handal ałkaholnymi napitkami pry viadzieńni roźničnaha handlu pa-za handlovym abjektam, a taksama z prymianieńniem internet-technałohij.
U adpaviednaści z zakonam «Ab rekłamie» nie dapuskajecca rekłama tavaraŭ, zabaronienych da realizacyi ŭ adpaviednaści z zakanadaŭstvam, abo dziejnaści, jakaja zabaroniena zakanadaŭstvam.
Rekłama, pry vytvorčaści i (abo) raźmiaščeńni (raspaŭsiudžvańni) jakoj dapuščany parušeńni zakanadaŭstva, źjaŭlajecca nienaležnaj i nie dapuskajecca da raspaŭsiudžvańnia.
Raspaŭsiudžvańnie takich infarmacyjnych paviedamleńniaŭ zabaroniena ŭ adpaviednaści z zakonam «Ab srodkach masavaj infarmacyi», padkreślili ŭ ministerstvie.
