mfa.gov.by
Ministr zamiežnych spraŭ Biełarusi Uładzimir Makiej 11 vieraśnia pryniaŭ namieśnika dziaržaŭnaha sakratara ZŠA pa pytańniach mieniedžmientu Patryka Kienedzi.
Baki abmierkavali šerah pytańniaŭ, źviazanych ź ciapierašnim stanam i pierśpiektyvami raźvićcia biełaruska-amierykanskich adnosinaŭ, paviedamlaje pres-słužba MZS.
Nahadajem, Złučanyja Štaty Amieryki pryvitali niadaŭniaje vyzvaleńnie šaściarych palityčnych źniavolenych u Biełarusi, pra što zajaviŭ pres-sakratar Dziaržaŭnaha departamienta ZŠA Džon Kirbi ŭ suviazi z vyzvaleńniem 22 žniŭnia Mikałaja Statkieviča, Ihara Alinieviča, Mikałaja Dziadka, Jaŭhiena Vaśkoviča, Arcioma Prakapienku i Juryja Rubcova.
«Vyzvaleńnie hetych šaściarych palityčnych źniavolenych źjaŭlajecca pazityŭnaj padziejaj dla ludziej Biełarusi i važnym krokam u kirunku narmalizacyi adnosinaŭ sa Złučanymi Štatami», — skazaŭ Kirbi.
Pres-sakratar Dziarždepa zaklikaŭ biełaruskija ŭłady pravieści prezidenckija vybary ŭ adpaviednaści sa standartami ABSIE, što, pavodle jaho słoŭ, taksama pryviadzie da palapšeńnia biełaruska-amierykanskich adnosinaŭ.
«Hetyja kroki zrobiać bolš mocnymi biełaruski suvierenitet i niezaležnaść, jakija ćviorda i niedvuchsensoŭna padtrymlivajuć Złučanyja Štaty», — skazaŭ Kirbi.
