Pavažanyja, darahija maje ludzi, vy zrabili vialikuju palityčnuju pamyłku ŭ №28 papiarovaha tydniovika «Naša Niva», dy jašče na 1-j staroncy svajho vydańnia. Jana ŭ pieršym zahałoŭku: «Vybary jość, a vybaru niama».
Jašče ź minułych vybaraŭ ludzi Biełarusi zrazumieli, što niama nijakich vybaraŭ na vybarach. Ci jość mahčymaść pravieryć vyniki padliku hałasoŭ? I heta nazyvajecca: «niama vybaraŭ».
Słužki režymu až mlejuć, zazyvajučy na «daterminoŭku» ludziej. Tamu treba pisać: niama vybaru i niama vybaraŭ.
A niama vybaru tamu, što hetyja ludzi, jakija bałatujucca ŭ prezidenty, nie razumiejuć samoj technałohii padmanu na vybarach (abo razumiejuć i śviadoma padyhryvajuć joj?!).
Ciahnuć palityčna niedaśviedčany narod na «vybary», razumiejučy, što samyja nie projduć i jurydyčna zamacujuć vybarčy śpiektakl, nadaŭšy hetym samym hałoŭnamu artystu lehitymnaść.
Stałyja ludzi kažuć, što sapraŭdnyja vybary pavinny prachodzić tolki ŭ adzin dzień.
U kožnaj vobłaści jość hodnyja ŭ kandydaty ludzi, a nie toje, što nam padsoŭvajuć, — niejkuju zašmalcavanuju kałodu starych artystaŭ z centra, dy jašče razbaŭlenuju sumnieŭnaj fihuraj.
A siońniašnija kandydaty pavinny syści jak staraja madel padtrymki dziejnaha režymu.
Patrebnaja krainie demakratyja. Inakš — tupik, inakš — druhaja Ukraina.