Prezident ZŠA Barak Abama stanie ŭdzielnikam telešou «Ździčełyja», jakoje viadzie były brytanski śpiecnazaviec Edvard «Biear» Hryłs.
«Biear» Hryłs, fota arrivo.ru.
U kožnym vypusku šou znakamity ŭdzielnik ź viadučym i apierataram adpraŭlajecca ŭ ekstremalnuju ekśpiedycyju pa addalenych miescach. Miarkujecca, što ŭdzielniki šou vyžyvajuć u ekstremalnych umovach, spadziejučysia vyklučna na svoj spryt, nie majučy nijakich prypasaŭ.
Abama stanie pieršym u historyi prezidentam ZŠA, jaki voźmie ŭdzieł u šoŭ. Da jaho ŭ «Ździčełych» zdymalisia Ben Styler, Kiejt Uinślet i inšyja znakamitaści.
Abama i Hryłs, jak paviedamlajecca, chutčej za ŭsio pojduć u pachod pa Alascy. Vypusk šoŭ z prezidentam u hałoŭnaj roli budzie pakazany na kanale «En-bi-si» ŭ 2015 hodzie.