Biełaruskaja milicyja ni razu ŭ najnoŭšaj historyi krainy nie ŭžyvała žorstkaha sposabu dla razhonu akcyj pratestu. A napiaredadni vybaraŭ, MUS hatova dziejničać na apiaredžańnie situacyi.
Pra heta ŭ efiry pieradačy «Bujnym płanam» na telekanale Biełaruś-1 zajaviŭ ministr unutranych spraŭ Biełarusi Ihar Šunievič.
Pavodle jaho słoŭ vadamioty, sabaki, šumavyja hranaty, humovyja kuli ŭžyvajuć «u našych susiedziaŭ, u demakratyčnych krainach». «My ŭžyvajem humovyja dubinki i ščyty, jakija adnosiacca da aktyŭnych srodkaŭ abarony», — skazaŭ kiraŭnik MUS.
Adkazvajučy na pytańnie ab chodzie padrychtoŭki da vybaraŭ prezidenta Biełarusi 11 kastryčnika, Ihar Šunievič zapeŭniŭ, što milicyja całkam hatovaja da luboha raźvićcia padziej.
«Mahu harantavać — my hatovyja da adekvatnaha adkazu na luby vyklik, lubuju pahrozu. My hatovyja da taho minimizavać lubyja škodnyja nastupstvy. Skažu navat bolš: my hatovyja na siońniašni dzień spracavać krychu raniej, kali budzie ŭ hetym nieabchodnaść, kab nie davieści situacyju da krytyčnaj», — padkreśliŭ ministr.
