Biełaruski chakieist CSKA Andrej Staś (sprava) padčas matču čempijanatu KCHŁ suprać SKA. Fota: Michaił Mietcel/TASS
Chakieisty ź Biełarusi, Kazachstana, Armienii i Kyrhyzstana, jakija vystupajuć za rasijskija kłuby Kantynientalnaj chakiejnaj lihi (KCHŁ), buduć ličycca lehijanierami ŭ siezonie-2015/16.
Pra heta zajaviŭ ministr sportu Rasii Vital Mutko: «U nas źjaŭlajucca lehijanierami ŭsie tyja, chto nie moža vystupać za nacyjanalnuju kamandu».
U siezonie-2014/15 biełaruskija i kazachstanskija hulcy nie padpadali pad limit na zamiežnikaŭ.
Status chakieistaŭ z hetych krain na čempijanat-2015/16 zastavaŭsia niezrazumiełym da suboty, kali KCHŁ vystupiła z zajavaj, što ŭ nastupnym siezonie biełaruskija, kazachstanskija, armianskija i kirhizskija hulcy nie buduć ličycca lehijanierami.
U paniadziełak Ministerstva sportu Rasii zaćvierdziła limit na lehijanieraŭ u rasijskich kłubach KCHŁ u siezonie-2015/16: ahulnaja kolkaść hulcoŭ, jakija nie majuć prava vystupać za zbornyja Rasii, moža składać nie bolš za piać u zajaŭcy adnaho kłuba.
