Adeski akruhovy administracyjny sud zabaraniŭ ŁHTB-aktyvistam źbiracca na «Marš roŭnaści», pryznačany na 15 žniŭnia.
Pazoŭ u sud padaŭ vykanaŭčy kamitet Adeskaha haradskoha savieta, paviedamiŭ «Dumskaj» pres-sakratar fiestyvalu «Adesa Prajd» Kirył Badełan.
«My da dvuch hadzin nočy byli ŭ sudzie. Pieršapačatkova nam chacieli zabaranić ŭsie mierapryjemstvy fiestyvalu, zapłanavanyja na 14—16 žniŭnia. Taksama źbiralisia zabaranić navat arhanizataram źbiracca bolš jak pa troje. Ale paśla doŭhich sprečak nam nie dazvoleny tolki marš», — raspavioŭ Kirył Badełan.
Pa słovach Badełana, ułady matyvujuć admovu tym, što praviadzieńnie mierapryjemstva ŭjaŭlaje pahrozu spakoju ŭ horadzie. Mienavita ŭ dni fiestyvalu kvir-kultury ŭ Adesie budzie šmat futbolnych fanaŭ (14 žniŭnia na stadyjonie «Čarnamorac» projdzie matč «Šachcior»—«Dniapro»).
Akramia hetaha, arhanizataram dahetul nie ŭdałosia znajści zamienu pamiaškańnia dla svajho forumu: uładalniki ŭ samy apošni momant admovili ŭ arendzie.
Siarod tem, jakija płanujecca abmierkavać na fiestyvali «Adesa Prajd» — «Hiej-turyzm jak elemient terytaryjalnaha brendynhu Adesy».