Razrabavany kurhan u Hancavickim rajonie. (Hł. «Na Hancaŭščynie šukalniki skarbaŭ abrabavali kurhannyja mohilniki».)
Pytańni achovy archieałahičnaj spadčyny Biełarusi adlustrujuć u Kodeksie ab kulturyMinsk, 13 žniŭnia. Asobnaja hłava Kodeksa ab kultury, jaki rychtujecca, budzie pryśviečana pytańniam achovy archieałahičnaj spadčyny Biełarusi, paviedamiŭ na pres-kanfierencyi 13 žniŭnia ŭ Minsku načalnik upraŭleńnia pa achovie historyka-kulturnaj spadčyny Ministerstva kultury Biełarusi Ihar Čarniaŭski.
Pavodle słoŭ čynoŭnika, prablematyku achovy archieałahičnaj spadčyny Minkultury prapanoŭvała adlustravać u asobnym zakonie jašče ŭ 2010 hodzie, adnak heta pytańnie było vyrašana razhladać u miežach kadyfikacyi ŭsiaho zakanadaŭstva ŭ śfiery kultury.
«U kodeksie buduć vyznačany nie tolki pomniki archieałohii — abjekty, jakija atrymali status historyka-kulturnaj spadčyny, ale i staŭleńnie da archieałahičnych abjektaŭ u cełym, — skazaŭ Čarniaŭski. — Ich (archieałahičnych abjektaŭ) u nas u Biełarusi, pavodle źviestak Instytuta historyi Nacyjanalnaj akademii navuk, bolš za 10 tysiač, pryčym tolki adnych pomnikaŭ archieałohii 2,3 tysiačy.
Vielmi važnaje pytańnie, jakoje tyčycca achovy, procidziejańnia niezakonnym raskopkam, vykarystańnia roznych sučasnych pryboraŭ, abstalavańnia, naprykład mietaładetektaraŭ i hetak dalej».
Načalnik upraŭleńnia pa achovie historyka-kulturnaj spadčyny nahadaŭ, što ciapier viadziecca aktyŭnaje abmierkavańnie pałažeńniaŭ kodeksa i jaho padrychtoŭka da razhladu na asieńniaj siesii Pałaty pradstaŭnikoŭ Nacyjanalnaha schodu. «Pastajanna pravodziacca sustrečy z deputackim korpusam, profilnaj kamisijaj, abmiarkoŭvajucca i ŭdakładniajucca niekatoryja normy», — skazaŭ jon.
Pavodle słoŭ Čarniaŭskaha, Kodeks ab kultury budzie ŭtrymlivać usie dziejnyja na siońnia pravavyja akty ŭ śfiery kultury. Jon pierakanany, što kadyfikacyja zakanadaŭstva ab kultury vielmi važnaja i daść stanoŭčy vynik dla tych, chto cikavicca spadčynaj i niepasredna ŭdzielničaje ŭ pytańniach jaje zachavańnia.
