U Biełarusi miesiačnaja minimalnaja zarabotnaja płata (MZP) za lipień hetaha hoda indeksujecca na 5,1% i składaje Br2 młn 180 tys. 126, paviedamili ŭ Ministerstvie pracy i sacyjalnaj abarony.
Ustanoŭleny pastanovaj Savieta Ministraŭ ad 9 śniežnia 2014 hoda numar 1151 pamier miesiačnaj minimalnaj zarabotnaj płaty (z 1 studzienia - Br2 młn 100 tys. 100) za lipień indeksujecca na 5,1%, pakolki indeks spažyvieckich cen za lipień pierasiahnuŭ piacipracentny paroh da miesiaca jaje ŭstanaŭleńnia (studzień 2015 hoda). MZP - dziaržaŭny minimalny sacyjalny standart u halinie apłaty pracy, jaki najmalnik abaviazany prymianiać u jakaści nižejšaj miažy apłaty pracy rabotnikaŭ za rabotu ŭ narmalnych umovach na praciahu narmalnaj praciahłaści rabočaha času pry vykanańni abaviazkaŭ rabotnika, łakalnych narmatyŭnych pravavych aktaŭ i pracoŭnaha dahavora.
Hrašovyja dachody (zarabotnaja płata, dziaržaŭnyja stypiendyi navučencam, stypiendyi kliničnym ardynataram, stypiendyi rabotnikam, nakiravanym na pavyšeńnie kvalifikacyi, pierapadrychtoŭku, stažyroŭku na vočnaj (dzionnaj) formie navučańnia ŭ inšy nasieleny punkt), što atrymlivajucca ź biudžetnych krynic, za lipień biahučaha hoda nie indeksujucca, bo indeks spažyvieckich cen za lipień nie pierasiahnuŭ piacipracentny paroh da miesiaca ich adnarazovaha pierahladu (sakavik 2015 hoda).
Zarabotnaja płata dziaržaŭnych słužačych i pryraŭnavanych da ich asob, hrašovaje zabieśpiačeńnie vajennasłužačych, asob radavoha i načalnickaha składu, hrašovaje zabieśpiačeńnie vajennasłužačych terminovaj vajennaj słužby, suvoraŭcaŭ, vychavancaŭ voinskich čaściej, kursantaŭ vajennych navučalnych ustanoŭ indeksujucca, jak i ŭ papiarednim miesiacy, na 6,6 pracenta, pakolki indeks spažyvieckich cen za lipień nie pierasiahnuŭ piacipracentny paroh da miesiaca ich papiaredniaj indeksacyi (luty 2015 hoda).
Ustanoŭlenyja ad bazavaj vieličyni dapamohi pa biespracoŭi i stypiendyi hramadzianam u pieryjad prafiesijnaj padrychtoŭki, pierapadrychtoŭki i pavyšeńnia kvalifikacyi pa nakiravańni orhana pa pracy, zaniataści i sacyjalnaj abaronie haradskoha, rajonnaha vykanaŭčaha kamiteta nie indeksujucca, pakolki indeks spažyvieckich cen za lipień nie pierasiahnuŭ piacipracentny paroh da miesiaca ich adnarazovaha pierahladu (studzień 2015 hoda).
Nasielnictvu, jakoje atrymlivaje dachody na terytoryi respubliki ź inšych krynic, kampiensacyja strat ad inflacyi ažyćciaŭlajecca pa padstavach, praduhledžanych kalektyŭnymi dahavorami (pahadnieńniami).
Hrašovyja dachody nasielnictva za lipień, što padlahajuć indeksacyi ŭ paradku, ustanoŭlenym zakanadaŭstvam, indeksujucca ŭ miežach Br1 młn 569 tys. 130 - 100 pracentaŭ biudžetu pražytačnaha minimumu ŭ siarednim na dušu nasielnictva, dziejučaha na momant indeksacyi.
