Rasijskaja karparacyja MiH akramia zvyčajnych źniščalnikaŭ, pakaža na avijašou MAKS-2015 niekali sakretnyja prajekty samalotaŭ, jakija nie pajšli ŭ sieryju. Adnym ź ich stanie źniščalnik piataha pakaleńnia MiH 1.44.
Hety samalot pavinien byŭ stać hałoŭnym praciŭnikam amierykanskaha F-22 Raptor. U rasijskaha źniščalnika taksama ŭsie ŭzbrajeńnie raźmiaščajecca va ŭnutranych adsiekach, a korpus pakryty radyjopahłynalnym pakryćciom. Eskizny prajekt i makiet samalota byli hatovyja ŭžo ŭ 1991 hodzie, a pieršy pratatyp padniaŭsia ŭ pavietra ŭ 2000 hodzie. Adnak dalejšyja pracy nad samalotam byli spynienyja z-za taho, što ŭrad RF addaŭ pieravahu PAK FA.
Pry hetym pa šerahu charaktarystyk MiH 1.44, na momant svajho stvareńnia, pieraŭzychodziŭ amierykanski samalot, naprykład, tolki limitavaja chutkaść mikajanaŭskaj mašyny składała 3180 km/h suprać 2410 km/h u F-22 Raptor.
Na dumku šmatlikich ekśpiertaŭ MiH 1.44 značna pieraŭzychodziŭ T-50 «FKB Suchoha». Tak, były načalnik ŭzbrajeńnia US Rasii Anatol Sitnieŭ adznačyŭ, što źniščalnik T-50 nie vałodaje patencyjałam, paraŭnalnym z zakładzienym u MiH 1.44.
