Dakumienty ŭ CVK na rehistracyju inicyjatyŭnaj hrupy padała 48-hadovaja minčanka Tamara Birukova.
Tamara Birukova, fota Siarhieja Hudzilina
U jaje inicyjatyŭnaj hrupie spačatku było 55 čałaviek, adnak žančyna danosiła niejkija dakumienty ŭ CVK za niekalki chvilin da zakryćcia.
Birukova — matematyk, nastaŭnica pačatkovych kłasaŭ. Ciapier vučycca na jurysta. Vychoŭvaje čatyroch dziaciej.
U 2010-m žančyna nie hałasavała ni za kaho, bo prahałasavać joj pieraškodzili «fors-mažornyja abstaviny».
Čyj Krym, ukrainski ci rasijski? «Ahulny», — miarkuje Birukova. Ale toje, što zdaryłasia — pamyłka «kiraŭnika vialikaj dziaržavy, našaha starejšaha brata».
Birukova miarkuje, što palitviazień Mikałaj Statkievič — heta ŭzor mužnaści. Jana chacieła b pryjechać da baćkoŭ Statkieviča i stać pierad im na kaleni.
Dla Biełarusi niepatrebnaja prezidenckaja forma kiravańnia, kaža kandydatka.
Birukova spadziavałasia, što na vybary pojdzie jaje muž-afhaniec, ale toj skazaŭ iści žoncy.
«Ja stajała na kuchni, i čuju z paroha pramovu: sabrałasia ŭ prezidenty, dyk idzi», — uzhadała jana.
