Biełaruskaja delehacyja nie padtrymaje punkt ab anieksii Kryma ŭ rezalucyi, jakuju płanujecca pryniać na 24-j siesii Parłamienckaj asamblei ABSIE.
Ab hetym zajaviŭ žurnalistam 26 červienia namieśnik staršyni pałaty pradstaŭnikoŭ nacyjanalnaha schodu Viktar Huminski — pradstaŭnik Biełarusi na siesii PA ABSIE.Siesija projdzie 5—9 lipienia ŭ Chielsinki. Prajekt rezalucyi ahulnaha kamiteta pa palityčnych pytańniach i biaśpiecy raźmieščany na sajcie PA ABSIE.
U dakumiencie ŭtrymlivajecca zaklik da Rasii «admianić anieksiju Aŭtanomnaj Respubliki Krym i horada Sievastopal va Ukrainie», a taksama adznačajecca nieabchodnaść vykanańnia pryncypaŭ nieparušnaści miežaŭ i terytaryjalnaj cełasnaści, mirnaha ŭrehulavańnia sprečak, roŭnaści pravoŭ i samavyznačeńnia narodaŭ.
«My budziem iści ŭ farvatary našaj ahulnaj pazicyi pa hetym pytańni, — skazaŭ Huminski. — My za hetaje pytańnie nie hałasavali ni ŭ AAN, ni na samicie Uschodniaha partniorstva. My zajavili, što nie možam za hety punkt hałasavać, tamu naša pazicyja (na siesii PA ABSIE) budzie adpaviednaj».
U rezalucyi, jakuju płanuje pryniać siesija PA ABSIE, taksama ŭtrymlivajecca zaklik da ŭsich bakoŭ kiravacca minskimi damoŭlenaściami.
Nakont hetaha Huminski zajaviŭ: «My nie prosta budziem padtrymlivać minskija pahadnieńni, my ahučym našu pazicyju, kab hetaja 24-ja siesija nie addalała nas adzin ad adnaho, najpierš Rasiju i Ukrainu, a pierš za ŭsio, kab zrabić kroki pa zbližeńni, kab pracavać u kirunku vykanańnia minskich damoŭlenaściej, kab parłamientaryi stali taksama asnovaj, jak i palityki, dla vykanańnia abaviazacielstvaŭ pa minskich pahadnieńniach».
