Hienprakuror Ukrainy Viktar Šokin maje namier prasić parłamient ab pazbaŭleńni sudziejskaj niedatykalnaści staršyni Apielacyjnaha suda Antona Čarnušenki.
Pra heta Šokin raspavioŭ žurnalistam u paniadziełak na bryfinhu razam z v.a. staršyni SBU Vasilom Hrycakom.
«Zaŭtra ja ŭniasu prapanovu ŭ VR z metaj źniaćcia sudziejskaj niedatykalnaści z Čarnušenki, jaho zatrymańnia i aryštu», — zajaviŭ Šokin.
Pavodle jaho słoŭ, u Čarnušenki kanfiskavana $6,5 tysiačy dalaraŭ, prykładna 30 tysiač hryŭniaŭ, klučy ad 5 mašyn, zarehistravanych na jaho svajakoŭ, kartki na paliva (na 14 ton).
Šokin adznačyŭ, što staršynia Apielacyjnaha suda admaŭlajecca davać pakazańni ab pachodžańni kanfiskavanych u jaho srodkaŭ i kaštoŭnaściaŭ. «Taksama jon admaŭlajecca pakidać budynak suda, siadzić tam, jeść, pje i, na kolki mnie viadoma, hladzić u anłajnie našu pres-kanfierencyju», — adznačyŭ Šokin.
U HPU prademanstravali videa, na jakim sudździa sprabavaŭ schavać ad śledčych padrychtavanaje im rašeńnie suda. Akramia taho, na videa pieratrusu ŭ Čarnušenki vidać, što toj chavaŭ u mantyi hrošy ad śledčych.
Taksama ŭ kabiniecie Čarnušenki byŭ znojdzieny hienieratar šumu.
