Finskaja kampanija Nokia, čyj telefonny biźnies byŭ pradadzieny Microsoft ŭ 2013 hodzie, abvieściła pra viartańnie da raspracoŭki telefonaŭ. Ab hetym niamieckamu Manager Magazin raspavioŭ dyrektar kampanii Radžyŭ Suryŭ.
Nokia zojmiecca raspracoŭkaj dyzajnu telefonaŭ i prodažami licenzii na brend z 2016 hoda. Sama Nokia nie budzie brać udziełu ŭ vytvorčaści i pramych prodažach aparataŭ.
Na siońnia kampanija šukaje adpaviednych partnioraŭ.
Staryja madeli telefonaŭ i smartfonaŭ Nokia. Fota: Reuters
Smartfony Nokia na Windows Phone. Fota: Microsoft
Nokia, što sioleta adśviatkavała 150-hodździe, doŭhi čas była lidaram na telefonnym rynku. U 2011 hodzie jana sastupiła na rynku smartfonaŭ Apple i Samsung. Kampanija vypuskała smartfony na apieracyjnaj sistemie Symbian, zatym na Windows Phone, ale jaje aparaty ź ciaham času stanavilisia ŭsio mienš papularnymi za iPhone i Android-smartfony.
Niekatoryja nazyvajuć «zabojcam» Nokia jaje byłoha hiendyrektara Styviena Ełapa (niadaŭna zvolnienaha z Microsoft) — chodziać čutki ab tym, što mienavita jon pryvioŭ kampaniju da prodažu telefonnaha biźniesu karparacyi Microsoft. Paśla pakupki Microsoft likvidavała telefonny brend Nokia, a sama Nokia zastałasia biez prava vyrablać smartfony da kanca 2016 hoda. U Nokia zastałosia telekamunikacyjnaje i kartahrafičnaje padraździaleńni.
Na mabilny rynak Nokia viarnułasia z kancy 2014 hoda z kłonam iPad. Uviesnu 2015 hoda Nokia abviaściła ab pakupcy za 15 młrd jeŭra telekamunikacyjnaj kampanii Alcatel-Lucent.
