- Pra temu dysiertacyi i hałoŭnyja vysnovy
- Čym adroźnivajecca matyvacyja pracaŭnikoŭ u Polščy i Biełarusi?
- Jak abaranić dysiertacyju ŭ ZŠA?
- Jak abjadnać namahańni dziaržaŭnych i niaŭradavych arhanizacyj, jakija akazvajuć sacyjalnyja pasłuhi šmatdzietnym maci, invalidam, biespracoŭnym
- PhD – heta pa-našamu doktar ci kandydat navuk?
- Praca ŭ ZŠA
- Pra «tupych» amierykancaŭ i adroźnieńni navučańnia ŭ nas i ŭ ZŠA
- «Vartaść amierykanskaj sistemy adukacyi – za 4-5 hod navad z durnia zrobiać najlepšaha śpiecyjalista ŭ śviecie»
- Pra hranty na navučańnie za miažoj
- Kolki kaštuje vučoba ŭ daktarantury ŭ ZŠA
- Jak šukała pracu paśla doŭhich hod vučoby
- Ci pajšła b pracavać na dziaržpasadu ŭ Biełarusi pry ciapierašniaj uładzie?
- «Zvalić» ź Biełarusi, moža, i nie ŭsio chočuć. Ale toje, što tut niama čaho rabić – heta trapna skazana».
- U Amierycy vialikaje biespracoŭje, ale chto maje pracu, pracujuć pa 70-80 hadzin. U nas, kali i chočaš pracavać bolej, bolš hrošaj nie atrymaješ
- Čamu paŭdniovaja Fłaryda heta «Ludzi na bałocie»? Ci dumajuć miascovyja viartacca na radzimu?
- «Takoj biednaty, jakuju ja bačyła ŭ Amierycy, u Biełarusi nidzie niama»
- Roźnica pamiž Amierykaj i Biełaruśsiu na prykładzie ladoŭni i zubnoj płomby
- «Kali vas cikavić taki «cyhanski» ład žyćcia, jak u mianie, to treba nie bajacca źmienaŭ, nie pryviazvacca da adnaho miesca, a hałoŭnaje – nie bajacca».
***
Palina Prysmakova — biełaruska, jakaja žyvie ŭ Majami (ZŠA), sakratarka Biełaruska-amierykanskaha zadzinočańnia u paŭdniovaj Fłarydzie. Naradziłasia ŭ Minsku, vučyłasia ŭ Kołasaŭskim licei (darečy, adnahrupnica Franaka Viačorki).
Paśla liceju vučyłasia ŭ Polščy. U Biełastoku vyvučała mižnarodnyja adnosiny dy kulturałohiju, atrymała stupień mahistra pa jeŭrapieistycy.
Praciahvała navučańnie ŭ Patsdamie (Hiermanija), Ńju-Jorku dy Majami (ZŠA). Jaje śpiecyjalizacyja — čałaviečyja resursy, matyvacyja pracy ŭ dziaržaŭnych i niaŭradavych arhanizacyjach, a taksama adnosiny Biełarusi z Kitajem (kitajskija ekspartnyja kredyty).
Supracoŭničała z Radyjo Racyjaj, Biełsatam dy analityčnym časopisam Belarus Digest.
Sioleta, akurat pierad Dniom Voli, Palina abaraniła kandydackuju dysiertacyju (PhD) pa dziaržaŭnym kiravańni ŭ Mižnarodnym univiersitecie Fłarydy.
Tema dysiertacyi – «Matyvacyja ŭ śfiery hramadskich pasłuhaŭ u dziaržaŭnych i niaŭradavych arhanizacyjach: prykład Biełarusi i Polščy» (Public Service Motivation in Public and Nonprofit Service Providers: Cases of Belarus and Poland). Navukovyja kiraŭniki – Žan-Kłod Harsija-Zamor (Jean-Claude Garcia-Zamor) i Ałan Rozienbaum (Allan Rosenbaum). Paznajomicca z pracaj možna tut.
Ciapier jana pracuje vykładčykam u Fłarydskim Atłantyčnym univiersitecie.
Čytać taksama: ANŁAJN z Palinaj Prysmakovaj, biełaruskaj, jakaja abaraniła PhD u Majami