Anžalina Džali ŭ roli Malefisenty
Studyja Walt Disney abvieściła ab pačatku raboty nad sikvełam filma «Malefisenta» z Anžalinaj Džali ŭ hałoŭnaj roli, paviedamlaje Deadline.
Siužet praciahu zmročnaj adaptacyi «Śpiačaj pryhažuni» pakul nie raskryvajecca. Viadoma, što scenar napiša aŭtar pieršaj častki Linda Vułviertan.
Režysior filma pakul nie pryznačany, nie nazyvajecca i prykładnaja data vychadu na ekrany. U jakaści pradziusara vierniecca Džo Rot.
Vydańnie adznačaje, što Disney pryjdziecca pastaracca, kab zaklučyć pahadnieńnie z Džali — jana raniej admoviłasia ad udziełu ŭ sikvełach «Sołt» i «Asabliva niebiaśpiečny». Tym nie mieniej, sikveł «Malefisenty» maje stać adnym z hałoŭnych prajektaŭ Disney na bližejšy čas.
***
Aryhinalnaja «Malefisenta» vyjšła na ekrany ŭ 2014 hodzie. Pry biudžecie ŭ 180 dalaraŭ stužka sabrała ŭ prakacie 758 młn. Film raspaviadaje siužet «Śpiačaj pryhažuni» z punktu hledžańnia złodzieja — fiei-čaraŭnicy Malefisenty. «Malefisenta» naminavałasia na «Oskar» za najlepšyja kaściumy.
