U Jeŭrapiejski dzień klimatyčnaj dypłamatyi, jaki aznačajecca 17 červienia, pasolstva Francyi ŭ Biełarusi sumiesna z pradstaŭnictvam Jeŭrapiejskaj kamisii ŭ Minsku i pasolstvami krain ES płanujuć pravieści viełaprahułku ŭ Minsku.
Pra heta paviedamili ŭ pasolstvie Francyi ŭ Biełarusi.
«Viełaprabieh projdzie na minskaj vieładarožcy ŭ rajonie Łošyckaha parku z 10.00 da 12.00. Płanujecca, što ŭ čas mierapryjemstva taksama projduć tematyčnyja hutarki ab klimacie i achovie navakolnaha asiarodździa z pradstaŭnikami roznych pasolstvaŭ, adbudziecca nievialikaja ekskursija pa samomu parku», — raskazali ŭ pasolstvie.
U pradstaŭnictvie Francyi ŭ Biełarusi dadali, što mierapryjemstva budzie adkrytym dla ŭsich žadajučych, ale kožny ŭdzielnik pavinien pakłapacicca pra ŭłasny rovar. Hałoŭnaja meta hetaha viełaprabiehu — pryciahnuć uvahu hramadstva da prablemy zabrudžvańnia navakolnaha asiarodździa i klimatyčnych źmianieńniaŭ.
