Viečaram 6 červienia pobač z punktam propusku «Cierachoŭka» pahraničny narad zatrymaŭ dvuch hramadzian Ukrainy. Zatrymanyja mužčyny ruchalisia ŭzdoŭž čyhunačnaha pałatna ŭ bok vioski Dobrušskaha rajona i pry sabie mieli 100 kh sała.
Jak paviedamiŭ BiełaPAN pres-sakratar Homielskaj pahraničnaj hrupy Dźmitryj Uklejka, hramadzianie Ukrainy žyvuć u vioscy Haradnia Čarnihaŭskaj vobłaści i prybyli ŭ Biełaruś na dyziel-ciahniku Ščors — Homiel. Paśla pierasiačeńnia miažy pradprymalnyja ŭkraincy vykinuli sała z akna vahona, a paśla prachodžańnia pahraničnaha i mytnaha kantrolu pieški viarnulisia pa ich, ale byli zatrymanyja pamiežnikami.
Jak pryznalisia zatrymanyja, sała pryznačałasia dla realizacyi na rynkach Homiela.
Ukraincy pieradadzienyja dla razboru supracoŭnikam Homielskaj mytni.