Pasiadžeńnie kantaktnaj hrupy pa Ukrainie adkładziena na paźniejšy termin, paviedamiła viečaram 2 červienia žurnalistam u Minsku Chajdzi Taljavini, śpiecpradstaŭnik ABSIE ŭ kantaktnaj hrupie pa Ukrainie.
Pry hetym, pavodle jaje słoŭ, padhrupy kantaktnaj hrupy pracavali 2 červienia ŭ Minsku «ŭ kanstruktyŭnym duchu».
«Ja mahu skazać, što ŭsie hrupy (padhrupy kantaktnaj hrupy) pracavali ŭ kanstruktyŭnym duchu i ŭ mnohich pytańniach dasiahnuli kansiensusu, ale heta ŭsie vielmi składanyja pytańni», — skazała Taljavini. Pavodle jaje słoŭ, šmatlikija pytańni pavinny byli być abmierkavanyja ŭ miežach pasiadžeńnia trochbakovaj kantaktnaj hrupy, «jakaja taksama siońnia pavinna była tut sustrecca, ale pa niekatorych pytańniach paličyli za lepšaje adkłaści ich abmierkavańnie na bolš daloki termin».
Taljavini paviedamiła, što data nastupnaha pasiadžeńnia kantaktnaj hrupy vyznačana, ale pavinna być jašče ŭzhodnienaja z udzielnikami. Tamu jana nie stała jaje ahučvać.
Pasiadžeńni prachodzili ŭ «Prezident-hateli» ŭ zakrytym dla presy režymie.
U kantaktnaj hrupie dziejničajuć čatyry padhrupy: pa biaśpiecy, pa palityčnych pytańniach, pa humanitarnych pytańniach, pa ekanomicy. Papiaredniaje pasiadžeńnie kantaktnaj hrupy adbyłosia ŭ Minsku 22 maja.
Napiaredadni źjaviłasia infarmacyja ab tym, što na sustrečy padhrupy pa biaśpiecy budzie abmiarkoŭvacca pytańnie ab stvareńni ŭ Danbasie demilitaryzavanych zon.
Prezident Ukrainy Piatro Parašenka pravioŭ 1 červienia pašyranuju naradu z pradstaŭnikom Ukrainy ŭ hrupie Leanidam Kučmam i ŭkrainskimi ŭdzielnikami rabočych padhrup. Parašenka «adznačyŭ nieabchodnaść niaŭchilnaha vykanańnia ŭsich punktaŭ minskich damoŭlenaściaŭ i važnaść bolš aktyŭnaha pryciahnieńnia pradstaŭnikoŭ manitorynhavaj misii ABSIE da zabieśpiačeńnia režymu poŭnaha spynieńnia ahniu i kantrolu za advodam ciažkaha ŭzbrajeńnia na ŭsioj linii sudakranańnia», paviedamiła pres-słužba prezidenta.
