lrytas.lt
U pieršy tydzień červienia budzie pa-letniamu ciopłaje nadvorje. Daždžoŭ i navalnic čakajecca nie šmat.
Jak raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ, umovy nadvorja budzie vyznačać pole pavyšanaha atmaśfiernaha cisku, na fonie jakoha buduć prachodzić małaaktyŭny atmaśfierny front.
U aŭtorak, 2 červienia, budzie pieravažna biez apadkaŭ, tolki ranicaj i dniom pa zachadzie krainy karotkačasovyja daždžy, u asobnych rajonach navalnicy. Tempieratura pavietra minimalnaja nočču 9 + 15°S, maksimalnaja dniom 22 + 27°S, pa poŭdni da +29°S.
U sieradu miescami karotkačasovyja daždžy, navalnicy, dniom pry navalnicach uzmacnieńnie vietru paryvami da 15—18 m/c. Tempieratura pavietra minimalnaja nočču +11 + 18°S, maksimalnaja dniom 23 + 30°S, pa paŭnočnym zachadzie 20 + 22°S.
U druhoj pałovie tydnia ŭładu nad nadvorjem voźmie antycykłon, sfarmiravany ŭ śviežaj pavietranaj masie.
U čaćvier, 4 červienia, nočču i ranicaj u asobnych rajonach mahčymyja nievialikija karotkačasovyja daždžy, dniom pieravažna biez apadkaŭ. U dzionnyja hadziny miescami pa poŭnačy ŭzmacnieńnie vietru paryvami da 15—18 m/s. Tempieratura pavietra minimalnaja nočču ad + 10°S pa paŭnočnym zachadzie da + 18°S pa paŭdniovym uschodzie, maksimalnaja dniom 16 + 23°S.
U hetyja vychadnyja budzie pieravažna biez apadkaŭ. Tempieratura pavietra minimalnaja nočču 4 + 11°S, maksimalnaja dniom 17 + 24°S.
