Tut i nižej fota z Indiegogo
Na kraŭdfandynhavym servisie Indiegogo pačaŭsia zbor srodkaŭ na lampu Gravity Light 2. Na momant publikacyi z patrebnych 199 tys. dalaraŭ sabrana 110 tys., kampanija maje iści jašče 31 dzień.
Lampa pracuje biez uklučeńnia ŭ razietku, lityjevych batarejek ci soniečnych batarej. Aparat kaštuje mienš za 10 dalaraŭ.
Kanstrukcyja nahadvaje koła ź viaroŭkaj, pierakinutaj praź jaho. Kali hruz u 11 kh (im moža być choć kamień) budzie padniaty karystalnikam, jon pad uździejańniem hravitacyi pačnie pavolna apuskacca. Enierhii hetaha ruchu chopić na 20-30 chvilin pracy jaskravaj śvietładyjodnaj lampački.
Na pieršy pratatyp Gravity Light hrošy taksama źbiralisia praź internet. Pratatyp pratestavali ŭ 30 krainach i dapracavali da hatovaj da vytvorčaści druhoj viersii.
Gravity Light 2 nacelenaja na słabaraźvityja krainy, u pryvatnaści ŭ Kieniju. Lampy dapamohuć nie tolki zabiaśpiečyć ludziej tannym śviatłom (traty na kierasin mohuć dasiahać traciny raschodaŭ siamji) — vytvorčaść lamp płanujecca naładzić u samoj Kienii, što stvoryć dadatkovyja pracoŭnyja miescy.
