Kaardynacyjnaja rada pa teleradyjoviaščańnia siońnia pryniała rašeńnie ab prypynieńni retranślacyi ŭ Małdovie telekanała «Rasija 24».
Pavodle spravazdačy KRTR, hety telekanał maje prapahandyscki charaktar, i nie vykonvaje pryniatych u krainie pryncypaŭ sacyjalnaha i palityčnaha bałansu ŭ padačy navin.
U pryvatnaści, KRTR źviarnuła ŭvahu na repartaž «Miž dvuch ahnioŭ», jaki vyjšaŭ u efir 9 sakavika i byŭ pryśviečany situacyi vakoł Prydniastroŭja. Rehijon paŭstavaŭ u im błakavanym varožymi i prazachodnimi Ukrainaj i Małdovaj. U spravazdačy pa vynikach manitorynhu kanała kanstatujecca, što hety repartaž «ačarniaje Małdovu».
«Rasijski telekanał «Rasija-24» maje prapahandyscki charaktar i maje metu ačarnić Małdovu i Ukrainu, - skazana ŭ spravazdačy.
