26 traŭnia a 19.00 u Respublikanskim teatry biełaruskaj dramaturhii adbudziecca niezvyčajny kancert dziaciej dla darosłych «Novaja hienieracyja: tradycyi i sučasnaść Biełarusi» pad kiraŭnictvam Ireny Katvickaj i Lizaviety Papovaj.
Maleńkija ŭdzielniki kancertu ŭžo daŭno śpiavajuć lepš za darosłych, a hałoŭnaje – valniej, śmialej i cikaviej. Jany – łaŭreaty Mižnarodnych konkursaŭ, Kubka Jeŭropy, Varšaŭskaha pałanezu, Biarlinskaj žamčužany, Maładych talentaŭ Biełarusi, aŭtarskaj muzyčnaj prahramy «Etna Fantazija». Hetych talenavitych dziaciej abjadnoŭvaje deviz: «Tradycyi i sučasnaść Biełarusi», bo jany cikavicca ŭsim – ad tradycyjnaj muzyki Biełarusi da sučasnaj estrady, z azartam demanstrujučy ŭsie styli i kirunki muzyki: folk, etna-džaz, chity jeŭrapiejskaj i amierykanskaj pop-kultury.
Naprykancy viečara – śviatočny bonus: premjera biełaruskich abaradavych piesien «Novaja navina» i «Maślenica» ad dziciačaha folk ansambla «Rada» z džaz-bendam i kupalskaja pieśnia ad etna-dueta «Viera&Patrycyja».
U antrakcie ž pry dapamozie kulturnickaj kampanii «Budźma biełarusami!» dla ŭsich cikaŭnych adbudziecca čytanka dla maleńkich i budzie raskryta tajamnica pryhodaŭ maleńkaj dziaŭčynki Vity, što maluje biełyja kreski. Muzyčnyja vobrazy stvoryć kampazitar i akardeanist Alaksiej Varsoba.
A kožny hość i ŭdzielnik atrymaje admysłovy padarunak: mahčymaść vyvučyć i praśpiavać razam biełaruskuju narodnuju pieśniu «Piesieńka, maja charošaja» z abradu «Pachavańnie strały».
vuł. Krapotkina, 44
kvitki: 60 000
kasa: (+375 17) 385-97-51
MTS +375295070601
Vel +375293426630
