Padhrupy kantaktnaj hrupy pa Ukrainie (Ukraina — ABSIE — Rasija) znoŭ źbiarucca 2 červienia, paviedamiła žurnalistam u Minsku pasoł ABSIE Chajdzi Taljavini.
Pavodle jaje słoŭ, siońnia byŭ adkryty druhi raŭnd pieramoŭ padhrup kantaktnaj hrupy.
«My siońnia damovilisia pra toje, što nastupnym razam padhrupy sustrenucca 2 červienia, kab ich kaardynatary paviedamili trochbakovaj kantaktnaj hrupie, jakim čynam praciahvać pracavać», — paviedamiła pradstaŭnik ABSIE. Taljavini zaznačyła, što trochbakovaja kantaktnaja hrupa pakul jašče znachodzicca ŭ pracesie ŭzhadnieńnia miechanizmaŭ hetaj pracy, tamu čatyry padhrupy sapraŭdy dapamahajuć vykonvać minskija damoŭlenaści.
22 maja ŭ staličnym «Prezident-hateli» prajšło čarhovaje pasiadžeńnie kantaktnaj hrupy, jakoje doŭžyłasia pryblizna dźvie hadziny. Jamu papiaredničała zakrytaje pasiadžeńnie padhrupy pa palityčnych pytańniach.
