Pra heta paviedamiŭ siońnia žurnalistam u Ryzie ministr zamiežnych spraŭ Biełarusi Uładzimir Makiej.
Ministr rastłumačyŭ, što ŭ Ryzie padpisany pratakoł da ŭžo dziejučaha biełaruska-łatvijskaha pahadnieńnia ab małym pryhraničnym ruchu. Uładzimir Makiej ličyć, što heta pahadnieńnie paśpiachova pracuje. Pry hetym baki, zychodziačy z praktyki realizacyi dakumienta, ubačyli słabyja miescy i apieratyŭna padrychtavali pratakoł.
«Hety pratakoł jašče bolš ablehčyć pieramiaščeńnie hramadzian, jakija žyvuć na pryhraničnych terytoryjach u abodvuch napramkach. Namnoha chutčej budzie mahčyma atrymać adpaviedny dazvoł na naviedvańnie», — skazaŭ Uładzimir Makiej.
Jak paviedamili ŭ suviazi z hetym u Ministerstvie zamiežnych spraŭ Łatvii: «Dakumient praduhledžvaje, što ŭ dalejšym žychary pryhraničča vyzvalajucca ad patrabavańnia rehistravacca ŭ orhanach miascovaha samakiravańnia dla atrymańnia dazvołu na pryhraničny ruch. U prajaznych dakumientach nie buduć stavicca adznaki ab pierasiačeńni hranicy, a taksama budzie admieniena patrabavańnie ab rehistracyi pry znachodžańni na pryhraničnych terytoryjach druhoha boku. Takim čynam, papraŭki da pahadnieńnia značna ablehčać paradak pajezdak i znachodžańnia žycharoŭ pryhraničnych terytoryj Łatvii i Biełarusi».
Akramia taho, Uładzimir Makiej adznačyŭ, što ŭ Ryzie biełaruskim bokam padpisana pahadnieńnie ab rańnim papiaredžańni technahiennych katastrof.