Vidać, paśla pravału «ukryžavanych» chłopčykaŭ, jakich nichto nie bačyŭ, rasijskaja prapahanda vypracavała novuju schiemu dokazu «źvierstvaŭ» chunty.
Tak, učory NTV sa spasyłkaj na «hienprakuraturu ŁNR» paviedamiła, što ŭ niepryznanaj respublicy vyjaŭlena hrupa, adkaznaja za «zabojstva» apałčenca i jaho ciažarnaj žonki.
Samo videa vykładziena ź jutub-akaunta prapahandysckaha infarm-ahienctva «news-front» i na im bačna, jak niekalki čałaviek u kamuflažy z žoŭtym skotčam na rukavach «viešajuć» dvuch čałaviek pasiarod chvojnaha lesu.
Pry hetym na zapisu adsutničaje huk, a sama pastanoŭka źniataja tak niaŭdała, što na 32 i 36 siekundzie z-za śpiny «ciažarnaj žonki» vyhladvaje viaroŭka, jakoj jana abviazanaja ŭ rajonie pojasu, a «kat» uvieś čas razvaročvaje cieły tak, kab hetaja viaroŭka nie trapiła ŭ kadr (abviazvańnie viaroŭkaj u rajonie pojasu i fiktyŭnaja viaroŭka na šyi — viadomy kinošny fokus dla zdymki scenaŭ z paviešańniem).
Taksama varta adznačyć, što na pres-kanfierencyi, pryśviečanaj «kaźni», «namieśnik hałoŭnaha prakurora ŁNR» nie daŭ rady adkazać na pytańnie pra marku telefona, jaki zdymaje z takoj jakaściu i nibyta byŭ «pry zabitym karniku».