9 maja Pchieńjan zajaviŭ, što karejskija vajskoŭcy praviali paśpiachovyja zapuski novych balistyčnych rakiet. Pavodle aficyjnaj viersii, jany byli zapuščanyja z padvodnych łodak, piša Reuters.
Reuters
A ŭ sieradu, 20 maja, Paŭnočnaja Kareja pachvaliłasia svaimi mahčymaściami ŭ vyrabie minijaciurnych jadziernych bojehałovak, i zajaviła, što moža abstaloŭvać imi svaje rakiety. Adnak amierykanskija vajskoŭcy i vajskovyja analityki nie pryniali hetyja zajavy ŭsurjoz. U pryvatnaści, namieśnik staršyni Kamiteta načalnikaŭ štaboŭ uzbrojenych sił ZŠA admirał Džejms Uinifełd zajaviŭ, što Kareja znachodzicca «za niekalki hadoŭ» ad stvareńnia takoj zbroi. Fotazdymki i videa, jakija karejskija ŭłady apublikavali ŭ jakaści dokazu, byli nazvanyja padrobkaj i pracaj prapahandystaŭ.
Pchieńjan i raniej časta zajaŭlaŭ pra navukovyja i vajennyja dasiahnieńni, ničym heta nie paćviardžajučy. Nahadajem, što na paradach u 2012 hodzie źjaŭlalisia drenna pabudavanyja makiety rakiet, jakija vydavalisia za sapraŭdnyja.