Na sajcie naviny.by prajšła anłajn-kanfierencyja z patencyjalnym kandydatam u prezidenty Taćcianaj Karatkievič.
Taćciana Karatkievič: «Majo rašeńnie ŭdzielničać u hetaj prezidenckaj kampanii abumoŭlenaje tym, što ja daviaraju idei «Narodnaha refierendumu», nad jakoj my pracavali bolš za dva hady. Akramia taho, dla mianie vielmi važna pradstaŭlać intaresy tych 120 tysiač biełarusaŭ, jakija pastavili svaje podpisy pad idejaj «Narodnaha refierendumu», i tych 40% vybarščykaŭ, a heta bolš za 3 miljony čałaviek, jakija ličać, što parłamient pavinien byŭ pryznačyć narodny refierendum. I ja ŭpeŭnienaja, što mienavita ideja «Narodnaha refierendumu» zmoža abjadnać biełarusaŭ i vyvieści krainu z kryzisu.
Adsutnaść vybaraŭ nie aznačaje adsutnaść vybaru. U našych vybarščykaŭ pavinien być vybar. Dla mianie pieramohaj budzie abjadnańnie ludziej vakoł adnoj prostaj idei — mirnych pieramien. Dla mianie pieramohaj budzie taja Biełaruś, u jakoj ułada pavažaje svaich hramadzian.
Ja nie budu zaklikać ludziej iści na płošču, tamu što ideja pratestu siońnia niepapularnaja ŭ našym hramadstvie. Ale kali ludzi ŭsio-taki vyjduć na płošču, to ja nie zastanusia ŭbaku. Vyjdu razam ź ludźmi i zrablu ŭsio, kab praduchilić mahčymyja pravakacyi i nakiravać hety pratest u mirnaje rečyšča».
