Vlastimil Vacek, Právo
Prezident Fiederacyi chakieja Rasii Uładzisłaŭ Traćciak patłumačyŭ, čamu chakieisty z zbornaj Rasii pakinuli lod padčas vykanańnia himna Kanady, jakaja stała čempijonam śvietu. Słovy Traciaka pryvodzić u paniadziełak «Russkaja słužba novostiej».
«Heta prosta arhanizacyjnyja pamyłki i niazładžanaść, tut niama nijakaj niepavahi. My vielmi pavažajem pieramožcaŭ: pavinšavali ich, pacisnuli im ruki», — patłumačyŭ jon.
Pres-ataše zbornaj Rasii Ihar Łaryn pa-inšamu patłumačyŭ sychod chakieistaŭ ź lodu. Jaho słovy pryvodzić «Sovietskij sport».
«Nakolki ja razumieju, u toj momant arhanizatary adkryli kalitku dla taho, kab zbornaja Rasii mahła vyjści ź placoŭki», - skazaŭ Łaryn.
Abaronca rasijskaj zbornaj Dźmitryj Kulikoŭ u intervju «R-Sportu» paviedamiŭ, što nie viedaje pryčyn uźniknieńnia takoj situacyi.
«Adna hrupa chłopcaŭ stała sychodzić ź lodu, a inšaja zastavałasia. Naturalna, što kali bolšaść chłopcaŭ lod pakinuli, syšli i ŭsie astatnija. Asabista ja byŭ u hrupie, jakaja nie chacieła sychodzić, bo dumaŭ, što paśla kanadskaha himna budzie hučać i rasijski», — zajaviŭ chakieist.
***
18 maja ŭ Prazie adbyŭsia finalny matč čempijanatu śvietu pa chakiei. Rasija sastupiła Kanadzie ź likam 1:6 i zavajavała siarebranyja miedali. U toj čas, jak adbyvałasia ŭznaharodžańnie kanadskich chakieistaŭ i hučaŭ himn Kanady, rasijskija chakieisty pakinuli lod.
Spartyŭny kamientatar Daren Drehier u svaim tvitery pisaŭ, što forvard zbornaj Rasii Alaksandr Aviečkin zaklikaŭ kamandu zastacca na lodzie.