Mižnarodny źlot retra- i kłasičnych aŭtamabilaŭ «Retra-Minsk» prachodzić 16-17 maja.
U stalicu pryjechali ŭładalniki rarytetnych aŭto ź Biełarusi, blizkaha i dalokaha zamiežža. Usiaho bolš za 70 ekipažaŭ roznych hadoŭ i charaktarystyk, jakija papiarednie prajšli adbor.
Siarod ich takija unikalnyja madeli, jak BMW 340 (1950), Mustang GT500 (1967), Chevrolet Montecarlo (1971), «Maskvič 407» (1959), «Haz-21» Vołha» (1961), VWKaefer (1983), Chrysler Newport (1975), Skoda S100 (1976), Jaguar XJS (1985), Trabant P601 (1964), Mersedes 380SL (R107) 1985 hoda, Mercedes Benz 250CE (W114) 1969 hoda.
Na źlot prybyŭ i taki ekskluziŭny ekipaž, jak Mercedes 1903.
Michaił Aŭčyńnikaŭ: «Mašynka naša nazyvajecca Citroen C4 Grand Lux. 1931 vypusku. Hetaja madel vypuskałasia z 1928 pa 1934 hady. Madel vielmi redkaja. U dadzienaj madyfikacyi było vypuščana ŭsiaho paru tysiač. Zachavalisia da našych dzion ličanyja adzinki. My - trecija haspadary. U hetaj mašyny prabieh usiaho 50 tysiač kiłamietraŭ.
Jana sapraŭdnaja pryblizna na 95 adsotkaŭ. Jana adrestaŭravanaja. Heta značyć łak, farba na joj novyja, pieraciažka sałona.
Paliva. Nitka pryviazanaja da strełki i pryviazanaja da datčyka ŭ baku. Kali paliva nalivajem, papłavok padymajecca, ciahnie za nitačku, nitka ruchajecca i pakazvaje ŭzrovień paliva.
Adčuvańni ad jazdy na hetym aŭtamabili nie takija, jak ad jazdy na lubym sučasnym limuzinie. Heta niešta niezabyŭnaje. Dziela hetaha varta navat žyć».
