Na žal, vostraj i napružanaj baraćby ŭ čverćfinale chakiejnaha čempijanatu śvietu nie vyjšła. Zornyja kanadcy prosta ŭ vyčvarnaj formie paździekavalisia z kamandy Dejva Ljuisa.
sport.cz
Kanadcy adkryli lik užo na 28-j siekundzie hulni. Adznačyŭsia abaronca «San-Chase Šarkz» Brent Bierns. A potym paniesłasia: šajby adna za adnoj praślizvali ŭ našuju bramu. I pa spravie ž, naviazać choć jakuju baraćbu biełarusy nie zmahli zusim.
U «klanovych listoŭ» asabliva adznačyŭsia forvard Tajler Siehin z «Dałasa», jaki aformiŭ chiet-tryk. Biełarusy ž nie zmahli navat zakinuć šajbu prestyžu.
Takim čynam, naša kamanda druhi hod zapar na čempijanatach śvietu zajmaje siomaje miesca.
U inšym čverćfinale ZŠA pieramahli Šviejcaryju – 3:1. Siońnia ŭviečary jašče hulajuć Šviecyja – Rasija, Finlandyja – Čechija.