Niekalki dzion tamu «Naša Niva» pisała pra dziravy asfalt u rajonie vulicy Załataja Horka, na jaki da taho ž nanieśli śviežuju raźmietku. Na žal, nizkaja jakaść darožnaha pałatna ŭ dvarach i na chodnikach — vialikaja prablema dla Minska.
Naprykład, žychary vulicy Jazepa Drazdoviča ŭžo niekalki miesiacaŭ zapar mohuć nazirać na chodnikach la siaredniaj škoły №51 davoli vialikuju i niebiaśpiečnuju dzirku ŭ asfalcie. Miascovaja žycharka patłumačyła, što jama ŭtvaryłasia niekalki miesiacaŭ tamu, kali niepadaloku budavali šmatpaviarchovik, i, vidać, praz heta miesca da novabuda padvodzili kamunikacyi. Jamu załatali, ale niajakasna, i asfalt znoŭ pravaliŭsia.
Na karcie prajekta Signal Minsk, jaki papiaredžvaje ab niebiaśpiečnych miescach pad nahami minčukoŭ, pieršyja ŭzhadki ab jamie na Drazdoviča źjavilisia jašče ŭ studzieni. Aktyvisty prajekta aharadzili jamu jarkaj stužkaj. Adnak stužku pieryjadyčna zdymajuć i jama zastajecca nieaharodžanaj. Da taho ž kavałak armatury, na jaki macujecca stužka, sam pa sabie niebiaśpiečny.
