Mižnarodnaja hrupa navukoŭcaŭ pradstaviła ŭ Jeŭraparłamiencie pieršaje ŭ historyi apytańnie pra ŭzrovień ščaścia dziaciej 10-12 hod. Jano atrymała nazvu Children's Worlds.
Pa vynikach apytańnia 53 tysiač dziaciej na ŭsich kantynientach, samyja ščaślivyja žyvuć u Turcyi i Rumynii, samyja niezadavolenyja žyćciom — u Paŭdniovaj Karei i Paŭdniovaj Afrycy.
Akramia taho, samymi spartyŭnymi pa vynikach apytańnia stali polskija školniki, a samymi starannymi ŭ vučobie — estoncy.
Dakłady byli pradstaŭlenyja pa Ałžyry, Kałumbii, Estonii, Efiopii, Hiermanii, Izraili, Paŭdniovaj Karei, Polščy, Paŭdniovaj Afrycy, Ispanii i Vialikabrytanii. U chutkim časie buduć apublikavanyja akłady pa Niepale, Narviehii, Rumynii i Turcyi.
Dziaciej pytali pra ich samich, ich dom i ich blizkich, hrošy i majomaść, adnosiny ź siabrami i inšymi ludźmi, škołu, zdaroŭje, volny i zaniaty čas dy miascovaść, u jakoj jany žyvuć.
Pa vynikach daśledavańnia dzieci hladziać na žyćcio pazityŭna, nie bačać surjoznych prablem — 61,5% apytanych zadavolenyja žyćciom na 10 z 10 bałaŭ. Dy zaŭvažna adroźnivajecca raźbiežka adznak pa krainach.
U Turcyi, Rumynii i Kałumbii maksimalnuju adznaku svajmu ščaściu pastavili kala 70% apytanych, a ŭ Paŭdniovaj Karei takich było tolki 40%. Taksama ŭ Paŭdniovaj Karei i Paŭdniovaj Afrycy było 9,8% i 7% dziaciej, jakija pastavili nizkuju albo minimalnuju adznaku.
Źleva: siaredni bał ahulnaj zadavolenaści žyćciom siarod 12-hadovych pa krainach. Sprava: adsotak niezadavolenych dziaciej. Vyjava z dakładu na sajcie isciweb.org
Tolki dzieci ź jeŭrapiejskich krain pakazali rost niezadavolenaści žyćciom i svajoj budučyniaj. Inšaja asablivaść Jeŭropy — kala 10% dziaciej žyvuć u raźviedzienych siemjach.
U chutkim časie navukoŭcy pradstaviać druhuju častku dakładu, pryśviečanuju vaśmihadovym dzieciam. Navukoŭcy spadziajucca, što dakład dapamoža roznym krainam śvietu palepšyć svaju palityku adnosna dziaciej.
