U Biełarusi razhladajecca mahčymaść stvareńnia Ministerstva pramysłovaj palityki. Pra heta paviedamiŭ siońnia na adkryćci Biełaruskaha pramysłovaha forumu namieśnik ministra pramysłovaści Pavieł Uciupin.
«Pytańnie stvareńnia Ministerstva pramysłovaj palityki Biełarusi abmiarkoŭvajecca ciapier na ŭzroŭni ekśpiertaŭ. Pry hetym razmova idzie ab tym, što jano, mahčyma, budzie stvorana na bazie Minprama», — skazaŭ Pavieł Uciupin. Jon padkreśliŭ, što nie tak važna, na čyjoj bazie budzie stvorana heta ministerstva, važna toje, kab jano maksimalna vykonvała funkcyi z punktu hledžańnia pramysłovaj palityki jak unutry Biełarusi, tak i za jaje miežami.
Pavieł Uciupin udakładniŭ, što ŭ strukturu Minprama ŭvachodziać ciapier kala 250 pradpryjemstvaŭ.
«Minpram ažyćciaŭlaje ŭ tym liku pradstaŭnickija funkcyi dziaržavy ŭ orhanach kiravańnia padviedamnych pradpryjemstvaŭ. Jak praviła, heta adkrytyja akcyjaniernyja tavarystvy. Ź inšaha boku, my vypracoŭvajem svaje prapanovy, jakija znachodziać potym adlustravańnie pry pryniaćci rašeńniaŭ na ŭzroŭni Savieta Ministraŭ. Jość kancern «Biełnaftachim», jaki takim ža čynam kiruje padviedamnymi pradpryjemstvami. Takaja sistema dziejničaje i adnosna lehprama, charčprama, Minbudarchitektury», — skazaŭ jon. Namieśnik ministra adznačyŭ, što jość ideja, kab było stvorana Ministerstva pramysłovaj palityki, jakoje abjadnaje namahańni ŭsich pradpryjemstvaŭ, kancernaŭ i viedamstvaŭ. «Tady vypracoŭvalisia b rašeńni, u jakich uličvalisia intaresy ŭsich subjektaŭ haspadarańnia», — adznačyŭ jon.
XIX Biełaruski pramysłovy forum adkryŭsia siońnia ŭ Minsku. U hetym hodzie jon prachodzić pad ehidaj pramysłovaj kaapieracyi na rynku JEAES. U dziełavoj prahramie forumu bolš jak 15 mierapryjemstvaŭ, hałoŭnym ź jakich stanie plenarnaje pasiadžeńnie z udziełam Jeŭrazijskaj ekanamičnaj kamisii. Taksama adbuducca 12 mižnarodnych forumaŭ, tradycyjny konkurs zvarščykaŭ Biełarusi i 5-ja birža subkantraktaŭ.
