Navina dla ŭsich prychilnikaŭ tvorčaści Hienadzia Buraŭkina, chto lubić i pamiataje Narodnaha Paeta.
Studyja «Hukapis» kampanii «PRASTORA BAJ» sumiesna z Sajuzam biełaruskich piśmieńnikaŭ i «Art-Siadzibaj» vypuściła aŭdyjoknihu Hienadzia Buraŭkina ŭ seryi «Hołas Paeta» z zapisami vieršaŭ roznych hadoŭ, a taksama paemaŭ «Chatynski śnieh» i «Uźniasieńnie» ŭ aŭtarskim vykanańni - amal try hadziny. Padrychtavali aŭdyjoknihu Aleś Kałoša i Valer Mazynski.
«Da tych, chto zastaniecca, u mianie adna vialikaja prośba: bierahčy Biełaruś, pradaŭžać toje, što zrabili i niedarabili jaje syny lepšyja. I spadziavacca, što ŭsie my — i tyja, što byli, i tyja, što buduć, i tyja, što jość, — usie my viečnyja. Viečnyja ŭ našaj movie, viečnyja ŭ našaj historyi, viečnyja ŭ biełaruskaj ziamli, u biełaruskim słovie»
Hienadź Buraŭkin, 20 maja 2014
Paet Hienadź Buraŭkin, siabra niezaležnaha Sajuza piśmieńnikaŭ i Biełaruskaha PEN-centra, pamior 30 maja 2014 u Minsku na 78 hodzie žyćcia.
Novuju aŭdyjoknihu možna atrymać biaspłatna. Jak — paviedamlaje sajt prastora.by.
