Mižnarodnaja asacyjacyja biełarusistaŭ praviadzie VI Mižnarodny kanhres biełarusistaŭ 27—29 maja ŭ Minsku. Papiaredniaja infarmacyja pra forum apublikavanaja na aficyjnym sajcie asacyjacyi mab.org.by.
Kanhres, jak paviedamlajecca, budzie pieršym ź mierapryjemstvaŭ, prymierkavanych da 500-hodździa biełaruskaha i ŭschodniesłavianskaha knihadrukavańnia.
Udzielniki abmiarkujuć šerah daśledavańniaŭ u takich navukach, jak movaznaŭstva, litaraturaznaŭstva, kulturałohija, historyja, falkłarystyka, etnałohija, u śfiery mižnarodnych adnosin.
Mižnarodnaja asacyjacyja biełarusistaŭ — hramadskaje navukovaje i kulturna-aśvietnickaje abjadnańnie, jakoje było ŭtvoranaje ŭ mai 1991 hoda. Jaje suzasnavalnikami vystupili Nacyjanalnaja akademija navuk Biełarusi, a taksama šerah ministerstvaŭ — adukacyi, kultury i zamiežnych spraŭ. Arhanizacyja abjadnoŭvaje daśledčykaŭ u halinie sacyjalnych i humanitarnych navuk, vykładčykaŭ, dziejačaŭ kultury i aśviety, pierakładčykaŭ, što daśledujuć kulturna-histaryčnuju spadčynu i sučasnaje raźvićcio biełaruskaha naroda, inšych śpiecyjalistaŭ.
Papiarednija kanhresy biełarusistaŭ prachodzili ŭ 1991, 1995, 2000, 2005 i 2010 hadach i byli pryśviečanyja temam stanovišča Biełarusi pamiž Uschodam i Zachadam, uzajemadziejańnia i ŭzajemaŭzbahačeńnia kultur suśvietnaj supolnaści, biełaruskaj kultury ŭ dyjałohu cyvilizacyj dy ŭ kantekście kultur jeŭrapiejskich krain.
