Słucki rajonny adździeł Śledčaha kamiteta pravodzić pravierku pa fakcie hibieli ŭ rajcentry 18-hadovaj dziaŭčyny.
Jak paviedamiła aficyjny pradstaŭnik upraŭleńnia SK pa Minskaj vobłaści Taćciana Biełanoh, cieła dziaŭčyny było znojdziena viečaram 7 maja kala šmatpaviarchovaha doma. Apytany śviedki, praviedzieny ahlad miesca zdareńnia, uziaty nieabchodnyja bijałahičnyja materyjały, pryznačany ekśpiertyzy.
Pavodle papiaredniaj viersii, dziaŭčyna zahinuła ŭ vyniku padzieńnia z dachu. Dakładnyja pryčyny śmierci buduć ustanoŭleny ŭ vyniku šerahu sudova-miedycynskich daśledavańniaŭ. Jość infarmacyja, što zahinułaja znachodziłasia na dachu ź siabroŭkaj. Druhaja dziaŭčyna špitalizavana ŭ ciažkim psichałahičnym stanie.
0
0
0
0
0
0
