U Rasii novy skandał na temu noravaŭ. Hetym razam praź videa, źniataje kursantami Kazackaha kadeckaha korpusa Navarasijska. Jany ŭ płaŭkach vykanali eratyčny taniec na tanku T-34 na terytoryi miemaryjała «Małaja Ziamla».
Na videa piać kursantaŭ u płaŭkach myjuć tank, hładziać adzin adnaho, a paśla tancujuć, vykarystoŭvajučy duła tanka ŭ jakaści atrybuta.
Choć u videa niama ničoha parnahrafičnaha, bolšaść rasijskich internaŭtaŭ asudziła žart junakoŭ za źniavahu pamiaci vajny i kiepski hust.
Jak stała viadoma, videa było źniataje jašče ŭ 2011 hodzie pry padrychtoŭcy dla telešou KVK. Ale vykłali jaho tolki ciapier.
U pačatku rolika junaki paviedamlajuć hledačam, što jany «ŭsio tak ža praciahvajuć łamać stereatypy pra toje, što ŭ vojsku słužyć ciažka».
Niadaŭna dva anałahičnyja skandały z zapisami tviorka zdarylisia ŭ Arenburhu i tym samym Navarasijsku, ale tam tancavali dziaŭčaty. Rasija taksama była šakavanaja piedafilskim skandałam u Pietrazavodsku, dzie paciarpieli navučency Račnoha vučylišča.
